NOVAS DESDE PEKIN
Paralimpiadas 2008

Os galegos, día a día

REMATOU A PARTICIPACION GALEGA
Chano trae dúas medallas de prata e dúas de bronce.
Pablo logra dúas medallas de bronce.

Noveno día:
Doble esforzo para Chano Rodriguez hoxe.
Na proba de 50 libres conseguiu a medalla de Bronce con 33.78, outra vez detrás do ucraino Dmytro (1º) e o brasileiro Dias (2º).
Nos relevos 4x50 estilos estiveron os dous galegos. Comezou Pablo Cimadevila en espalda e rematou 6º. Vicente Gil mantivo a posición en braza e logo Daniel Vidal colocouse 4º en mariposa. Para rematar, Chano logrou remontar un posto nos libres para darlle a España a medalla de bronce.

Sexto día:
Pablo Cimadevila rematou quinto na proba de 100 braza (1:46.11), proba gañada polo español Ricardo Ten, que fixo récord mundial.

Quinto día:
Estrea de Pablo Cimadevila en Pekín. O nadador de Pontevedra conseguiu unha medalla de bronce nos 200 m estilos, cunha marca de 3:01,58, tras o brasileiro Daniel Dias e o chino Junquan He.
Nova medalla de prata para Chano, formando parte dos relevos 4x50 libres. O equipo español estivo formado por Richard Oribe (2º), Daniel Vidal (1º), Jordi Gordillo (1º) e Chano Rodriguez (2º)
En tenis, a parella española formada polo aresán Alvaro Illobre e o catalán Kiko Tur, caíron eliminados en segunda ronda antes os xaponeses Kunieda e Saida por 1-6 e 1-6. Aquí finaliza a andaina do noso tenista na paralimpiada.

Cuarto Día:
Alvaro Illobre, formando parella co número 1 español, o catalán Kiko Tur, logra o pase a seguinte rolda do campionato de dobres. Venceron á parella húngara por un doble 6-2. Noso deportista segue vivo en Pekín.

Terceiro Día:
Chano conseguíu a medalla de prata na proba de 200 libres con un tempo de 2:38,88, por detrás do brasileiro Daniel Dias (2:32,32). O nadador galego ten problemas nun ombreiro, e esperamos que se recupere para a proba de 50 libres.

Segundo día:
Alvaro Illobre perdeu en primeira ronda ante o suizo Pellegrina por 6-1,2-6,2-6. Agora solo lle queda a proba de dobres, xunto a Quico Tur.

Primeiro día:
Chano acadou o 5º lugar na final de 100 m. libres, con un tempo de 1:16,15, despois de clasificarse 2º na súa serie clasificatoria con 1:18,44.

30/8 Mensaxe de Pablo Cimadevila dende Pekín:
"Hola a todos, onte cheguei a Pekín, puiden nadar no "Cubo de Auga" e as sensacións foron moi boas."

Serán 3 os galegos da nosa federación en Pekín
Alvaro Illobre, Chano Rodriguez e Pablo Cimadevila, Seleccionados para Pekín

Publicadas xa as listas oficiais dos seleccionados españois para as paralimpiadas, temos 3 nomes da nosa federación: O tenista aresán Alvaro Illobre e os nadadores de Vigo e Pontevedra Chano Rodríguez e Pablo Cimadevila.

Si ben os nadadores tiñan xa a súa praza outorgada fai tempo, grazas aos seus bos resultados en tódalas competicións, foi a selección de Illobre a mais difícil. Tivo que facer gran cantidade de desprazamento polo mundo adiante para conseguir os puntos que lle fixeran baixar no ranking, e ao final acompañará a Kiko Tur e Lola Ochoa a capital chinesa.

Juan Saavedra, apeado
O tirador Pontevedrés Juan Saavedra non aparece nas listas para Pekín, por unha polémica decisión do Comité Nacional de Tiro, que o deixou fora por defectos administrativos. Pese a que hoxe é o tirador español con mais posibilidades de medalla na paralimpiada, quedouse fora.